Gujarati News
મોડાસા: ચોરીના મોબાઈલ વેચવાનાં ધીકતા ધંધા પર પોલીસે માર્યો છાપો
મોડાસા શહેરમાં ચોરીના મોબાઈલ વેચવાનો ધીકતો ધંધો ચાલી રહ્યો છે. અનેક રાજ્યમાંથી ચોરાયેલા મોબાઈલ સસ્તા ભાવે વેચવાનું નેટવર્ક ધમધમી રહ્યું છે. ત્યારે રવિવારે મોડી સાંજે ટાઉન પોલીસે ત્રણ દુકાનમાં છાપો માર્યાે હતો અને ૮૩ હજારની કિંમતના બિલ વગરના ૧૫ મોબાઈલ કજબે લેવામાં આવ્યા હતાં. લાંબા સમય બાદ પોલીસને રેડ પડતાં ચોરીના અને બિલ વગરના મોબાઈલ વેચતા વેપારીઓમાં ફફડાટ ફેલાઈ ગયો હતો.
સમગ્ર રાજ્યમાં મોડાસા બિલ વગરના અને ચોરીના મોબાઈલની ખરીદી માટેનું એપી સેન્ટર છે. દિલ્હી, મુંબઈ, અમદાવાદ જેવા મોટા શહેરોમાંથી ચોરાતા મોબાઈલ મોડાસા સુધી ચોક્કસ નેટવર્ક મારફતે વેચાણ અર્થે આવે છે.
છેલ્લા કેટલાય સમયથી ચોરીના અને બિલ વગરના મોબાઈલ વેચવાનો કારોબાર ચાલી રહ્યો હોવા છતાં પોલીસ નામ પૂરતી જ તપાસ કરે છે. દરમિયાન સોમવારે મોડી સાંજે મોડાસા ટાઉન પોલીસે શહેરના જૂના બસ સ્ટેશન વિસ્તારમાં આવેલ મોબાઈલની દુકાનોમાં ઓચિંતો છાપો માર્યાે હતો. જેમાં ત્રણ મોબાઈલની દુકાનમાંથી બિલ વગરના ૧૫ મોબાઈલ કબજે લેવાયા હતાં.
ટાઉન પોલીસ સ્ટેશનમાંથી મળતી માહિતી અનુસાર લક્ષ્મી શોપિંગ સેન્ટરમાં આવેલ એસેન્ટ મોબાઈલ, દાદુ શોપિંગ સેન્ટરમાં આવેલ મોબાઈલ ગેલેરી નામની દુકાન અને ફૈઝાન કોમ્પલેક્સમાં આવેલ યુ.કે.મોબાઈલમાંથી બિલ વગરના મોબાઈલ હાથ લાગતાં કબજે કરી વેપારીઓને બિલ રજૂ કરવા જણાવાયું છે.
હાલ પોલીસે કલમ ૪૧ ડી મુજબ ૮૩ હજારની કિંમતના મોબાઈલ જપ્ત કરી વધુ કાર્યવાહી હાથ ધરી છે. જો વેપારીઓ બિલ રજૂ નહીં કરી શકે તો કાયદેસરની કાર્યવાહી હાથ ધરવામાં આવશે. બજારો બંધ થવાની તૈયારીઓ ચાલી રહી હતી ત્યારે ટાઉન પી.આઈ. અને સ્ટાફે અચાનક રેડ કરતાં ચોરીના મોબાઈલ વેચતા અનેક વેપારીઓમાં દોડધામ મચી હતી.
પોલીસે ઉતરી પડતાં અનેક વેપારીઓ દુકાનોના શટર પાડી ભાગી ગયા હતાં.
ઉલ્લેખનીય છે કે છેલ્લા કેટલાય સમયથી મોડાસામાં બિલ વગરના જૂના અને નવા મોબાઈલ વેચવામાં આવી રહ્યાં છે. સાથે રજિસ્ટ્રર પણ ન નિભાવી કલેક્ટરના જાહેરનામાનો ભંગ કરવામાં આવી રહ્યો છે. પરંતુ પોલીસ તપાસ કરવાની તસ્દી લેતી નથી. પરિણામે આ કારોબાર ફાલ્યો ફૂલ્યો છે.
Jigisha Makwana
મોડાસા શહેરમાં ચોરીના મોબાઈલ વેચવાનો ધીકતો ધંધો ચાલી રહ્યો છે. અનેક રાજ્યમાંથી ચોરાયેલા મોબાઈલ સસ્તા ભાવે વેચવાનું નેટવર્ક ધમધમી રહ્યું છે. ત્યારે રવિવારે મોડી સાંજે ટાઉન પોલીસે ત્રણ દુકાનમાં છાપો માર્યાે હતો અને ૮૩ હજારની કિંમતના બિલ વગરના ૧૫ મોબાઈલ કજબે લેવામાં આવ્યા હતાં. લાંબા સમય બાદ પોલીસને રેડ પડતાં ચોરીના અને બિલ વગરના મોબાઈલ વેચતા વેપારીઓમાં ફફડાટ ફેલાઈ ગયો હતો.
સમગ્ર રાજ્યમાં મોડાસા બિલ વગરના અને ચોરીના મોબાઈલની ખરીદી માટેનું એપી સેન્ટર છે. દિલ્હી, મુંબઈ, અમદાવાદ જેવા મોટા શહેરોમાંથી ચોરાતા મોબાઈલ મોડાસા સુધી ચોક્કસ નેટવર્ક મારફતે વેચાણ અર્થે આવે છે.
છેલ્લા કેટલાય સમયથી ચોરીના અને બિલ વગરના મોબાઈલ વેચવાનો કારોબાર ચાલી રહ્યો હોવા છતાં પોલીસ નામ પૂરતી જ તપાસ કરે છે. દરમિયાન સોમવારે મોડી સાંજે મોડાસા ટાઉન પોલીસે શહેરના જૂના બસ સ્ટેશન વિસ્તારમાં આવેલ મોબાઈલની દુકાનોમાં ઓચિંતો છાપો માર્યાે હતો. જેમાં ત્રણ મોબાઈલની દુકાનમાંથી બિલ વગરના ૧૫ મોબાઈલ કબજે લેવાયા હતાં.
ટાઉન પોલીસ સ્ટેશનમાંથી મળતી માહિતી અનુસાર લક્ષ્મી શોપિંગ સેન્ટરમાં આવેલ એસેન્ટ મોબાઈલ, દાદુ શોપિંગ સેન્ટરમાં આવેલ મોબાઈલ ગેલેરી નામની દુકાન અને ફૈઝાન કોમ્પલેક્સમાં આવેલ યુ.કે.મોબાઈલમાંથી બિલ વગરના મોબાઈલ હાથ લાગતાં કબજે કરી વેપારીઓને બિલ રજૂ કરવા જણાવાયું છે.
હાલ પોલીસે કલમ ૪૧ ડી મુજબ ૮૩ હજારની કિંમતના મોબાઈલ જપ્ત કરી વધુ કાર્યવાહી હાથ ધરી છે. જો વેપારીઓ બિલ રજૂ નહીં કરી શકે તો કાયદેસરની કાર્યવાહી હાથ ધરવામાં આવશે. બજારો બંધ થવાની તૈયારીઓ ચાલી રહી હતી ત્યારે ટાઉન પી.આઈ. અને સ્ટાફે અચાનક રેડ કરતાં ચોરીના મોબાઈલ વેચતા અનેક વેપારીઓમાં દોડધામ મચી હતી.
પોલીસે ઉતરી પડતાં અનેક વેપારીઓ દુકાનોના શટર પાડી ભાગી ગયા હતાં.
ઉલ્લેખનીય છે કે છેલ્લા કેટલાય સમયથી મોડાસામાં બિલ વગરના જૂના અને નવા મોબાઈલ વેચવામાં આવી રહ્યાં છે. સાથે રજિસ્ટ્રર પણ ન નિભાવી કલેક્ટરના જાહેરનામાનો ભંગ કરવામાં આવી રહ્યો છે. પરંતુ પોલીસ તપાસ કરવાની તસ્દી લેતી નથી. પરિણામે આ કારોબાર ફાલ્યો ફૂલ્યો છે.
Jigisha Makwana
Comments
Post a Comment